Annaðhvørt flakavirki hall í fjør

Fýra flakavirki í Føroyum høvdu avlop í fjør. Trý høvdu hall. Men í 2011 og 2010 hevði bara eitt av teimum sjey flakavirkinum hall. Tað sæst í greining, sum grannskoðaravirkið Januar hevur gjørt.

Greiningarnar hjá Januar vísa, at árini 1996 og 1997 vóru vánalig hjá flakavirkjunum. Síðani komu fýra góð ár frá 1998 til 2002.

Árini 2007 og 2008 royndust serstakliga illa. Skiparakstur tyngdi flakavirkini nógv árini frá 2007 til 2010. Verða skipini ikki tald við í 2009, høvdu tey feløgini, sum reka flakavirki, samanlagt givið avlop í 2009.

Í fjør fekk Kósin í Klaksvík ein fjórðing av fiskinum, sum kom upp á land. Faroe Origin fekk góð 17 prosent, TG Seafood og Vaðhorn góð 14 prosent. Delta 11 prosent, Fiskavirkið góð tíggju prosent og Sandoy Seafood knappliga átta prosent av fiskinum, sum flakavirkini keyptu í fjør.