Myllur í Húsahaga fyri 100 milliónir

Vindmyllulundin hjá SEV í Húsahaga í Suðurstreymi fer at kosta okkurt um 100 mió. kr.

Tilboðini upp á vegir og jørðarbeiðið vórðu latin upp í gjár.

Fimm tilboð eru, og Articon hevur lægsta tilboðið, 9,8 mió. kr.

SEV fer nú saman við Landsbyggifelagnum at meta um tilboðini, áðrenn avgjørt verður, hvør fær arbeiðið.

Mánadagin skrivaði SEV undir sáttmála við týsku fyritøkuna ENERCON um at byggja og seta upp 13 vindmyllur í Húsahaga.

Myllurnar kosta 85 mió. kr.