- Tíðindi, mentan og ítróttur
Breddin
Í apríl vóru El Shafee Elsheik og Alexanda Kotey, limir í Islamska statinum, dømdir sekir í at fremja yvirgang, og pína og avrætta gíslar í Sýria.
Kotey fekk lívslanga fongulsrevsing, meðan dómurin hjá Elsheik verður avgjørdur seinni í ár.
Talan er um søguligar og týdningarmiklar dómar, tí teir vóru dømdir í USA fyri yvirgang í Sýria, har flestu av yvirlivandi ofrum teirra ikki høvdu sæð andlitini á gíslatakarunum, sum høvdu havt samband við teir.
Ein av fangunum, sum Kotey og Elsheik høvdu undir hond, var danski myndajournalisturin Daniel Rye, sum tó kom út úr Sýria og aftur til Danmarkar á lívi, eftir at hava verið gísli hjá Islamskum stati í 398 dagar.
Daniel Rye er gestur hjá Elini Mirjamsdóttur í Breddanum í dag og greiðir millum annað frá upplivingum sínum sum fangi og gísli hjá Islamskum stati.
Lagt til rættis: Elin Mirjamsdóttir, Frants Jensen. Redaktørur: Tróndur Olsen