Barsilsskipanin eigur 60 mill. kr.

Í staðin fyri at krevja meira inn, tá hall er, eigur Barsilsskipanin at sleppa at flyta avlop millum ár.

Vinnumálaráðið hevur spurt Fíggjarmálaráðið, um hetta ber til.

Fíggjarmálaráðið hevur ikki svarað enn.

Vinnumálaráðið hevur eisini kannað, um loysnin er at stovna ein grunn.

Men tað fer at kosta ov nógv í umsiting, so tað verður ikki loysnin.

Vinnumálaráðið sigur, at seinastu sjey árini hevur Barsilsskipanin hava slakar 60 milliónir krónur í avlopi.

Ætlanin er ikki at hækka inngjaldið, nú nógvar broytingar skulu gerast í Barsilsskipanini.

Vinnumálaráðið væntar, at fimm vikur afturat í barsilspengum, tríggjar til mammuna og tvær til pápan, fara at kosta góðar átta milliónir krónur um árið.

Og fleiri vikur til tvíburðaforeldur og foreldur at ov tíðliga føddum børnum fara at kosta 575.000 kr.