Digitala sendinetið liðugt í 2015

Tað er mentamálaráðið, sum hevur gjørt avtalu við Televarpið um at útbýggja digitala sendinetið, so tað umfatar allar Føroyar.

Fyri brúkaran merkir hetta, at tey mugu hava antennu og útgerð til at móttaka digitala signalið.

Televarpið røkkur í løtuni út til 97,2% av húskjunum í Føroyum.

Málið er, at í 2015 kunnu allir føroyingar fáa digitala signalið.

Í 2014 vera hesar bygdar fevndar av digitala netinum:

• Hov, Porkeri, Akrar, Lopra

• Kunoy • Haraldsund

• Hellur, Oyndarfjørður

• Mikladalur, Gjógv

• Rituvík og írestandi helvtin av Húsavík

Í 2015 er ætlanin, at hesar bygdir koma afturat:

• Dalur 

• Æðuvík

• Elduvík, Funningur

• Funningsfjørður

• Saksun

• Sandvík

• Trøllanes

Og tá málið er rokkið, verður analoga sendinetið sløkt.