Sonni Ragnar millum teir bestu í Superliguni

Føroyski landsliðsleikarin, Sonni Ragnar Nattestad, spældi allan dystin móti Brøndby í sekstanda umfari, og hann kláraði seg so mikið væl, at hann er komin á vikuliðið, sum TV3 Sport velur eftir hvørt umfar.

Fyrrverandi danski landsliðsleikarin, Jesper Grønkjær, er viðmerkjari hjá TV3 Sport og hann hevur sett liðið, sum hevur Sonna Ragnar í miðverjuni.

Jesper Grønkjær heldur, at Sonni Ragnar Nattestad er ein spennandi leikari:

Nattestad er ein leikari, sum er komin í Superliguna úr næstbestu føroysku deildini. Hann umboðar tað sum FC Midtjylland vil. Felagið vil finna ungar leikarar, sum kunnu seljast víðari, og hesin er ein sum kann seljast, Sigur Jesper Grønkjær um Sonna Ragnar Nattestad.

Vikuliðið frá sekstanda umfari í Superliguni kann síggjast her, og tað ber eisini til at hoyra viðmerkingarnar hjá Grønkjær um Sonna Ragnar.