Ísland: Betri upprunamerking á matvørum

<p>Semjan skal stuðla uppundir hjá teimum, sum vilja at standa saman um at betra upprunamerkingar, skrivar Vinnuhúsið.</p>

<p>Ein arbeiðsbólkur er mannaður&nbsp;við umboðum fyri bóndafelagið, Bændasamtøk Íslands, arbeiðsgevarafelagið, Samtøk Atvinnulífsins og brúkarafelagið, Neytendasamtøkin.</p>

<p>Arbeiðsbólkurin skal arbeiða við at økja tilvitanina hjá matvøruframleiðarum og matvøruinnflytarum og fáa hesar týðiliga at merkja matvørurnar við upprunalandinum hjá vøruni.</p>

<p><strong>Brúkarin skal vita um vøruna</strong></p>

<p>Gjørd verða vegleiðandi uppskot til merking, og brúkararnir verða eggjaðir til at kanna upprunan á vøruni.</p>

<p>Teir tríggir partarnir fara at gera átøk til tess at fremja endamálið, og hesi fara at verða sjónlig í 2014.</p>

<p><Tað eru formenninir Sindir Sigurgeirsson, Bjørgolfur Jóhannsson og John Gunnarsson, sum vegna feløg síni hava undirskrivað semjuna.</p>