Pelagos fingið byggiloyvi til uppsjóvarvirkið

Fuglafjarðar býráð samtykti í gjárkvøldið einmælt at geva partafelagnum Pelagos undir stovnan prinsipielt byggiloyvi til uppsjóvarvirkið, sum ætlanin er at byggja á økinum sunnan fyri Bergfrost og niðan fyri tangarnar á Enninum.

Byggiloyvið var einasta málið, sum var fyri á eykabýráðsfundinum í Fuglafirði í gjárkvøldið. Allir býráðslimir atkvøddu fyri.

Málið hevur skund, tí eftir ætlan skal Pelagos byrja at taka móti fiski í juli. Tá fer virkið at kunna frysta 600 tons um samdøgrið. Umframt at frysta heilan fisk fer Pelagos frá fyrsta degi at kunna heysa og skera flak.