Atlantsflog alment burturav

Løgtingið samtykti einmælt seint í gjárkvøldið, at P/f Atlantsflog kann keypa aftur triðingin av partapeninginum, sum varð einskildur í november 2007.

Klokkan var tíggju minuttir í hálvgum tólv í gjárkvøldið, tá løgtingsformaðurin setti fjórða tingfundin í gjár og kallaði til atkvøðugreiðslu.

Tvey løgtingsfólk vóru ikki á tingfundinum, men tey 31, sum vóru, atkvøddu øll fyri uppskotinum hjá Johan Dahl, landsstýrismanni.

Fyrsta viðgerð byrjaði klokkan hálvgum fimm seinnapartin.

Málið fór so í Vinnunevndina, síðani varð atkvøtt eftir aðru viðgerð, so var steðgur í tveir minuttir og klokkan tíggju minuttir í hálvgum tólv varð seinasti tingfundurin í gjár settur.

Næsti løgtingsfundur verður týsdagin.