Bæði byggistigini á Kambsdali gerast samstundis

Bæði byggistigini á Kambsdali gerast samstundis
Farið verður undir útbyggingina í summar, sigur Bjørn Kalsø, landsstýrismaður
 
14.02.2014 - 10:35

Av tí at bæði byggistigini verða gjørd í einum, kostar umbyggingin og útbyggingin av miðnámsskúlunum á Kambsdali ikki 22 milliónir, men 31 milliónir krónur.

Tá løgtingið fyrst játtaði 22 milliónir til verkætlanina, var bara talan um fyrsta byggistig.

Men síðani varð avgjørt at taka annað byggistig við eisini, og tá fór kostnaðurin upp í 28 milliónir, sigur Bjørn Kalsø, landsstýrismaður í mentamálum.

Men tá fyrireikingarnar vóru við at verða lidnar á heysti í fjør, gjørdi Landsverk saman við sínum ráðgevum Mentamálaráðið vart við, at verkætlanin bleiv nakað skerd sammett við upprunaætlanina.

Orsøkin segðist vera, at príslegan á slíkum verkætlanum tóktist vera hækkað nakað samanborið við upprunaligu metingarnar, stendur í viðmerkingunum til lógaruppskotið, sum kom í tingið mikudagin.

Hetta fekk løgtingið at vita, tá fíggjarlógin fyri 2014 varð viðgjørd.

Løgtingið samtykti at játta tríggjar milliónir krónur afturat til verkætlanina, so byggikostnaðurin fyri bæði byggistigini fer úr 28 mió. kr. upp í 31 mió. kr.

Sambært tíðarætlanini verður verkætlanin liðug síðst í mars.

Fyrst í apríl er ætlanin, at arbeiðið verður boðið út.

Tilboðini verða latin upp hálvan mai.

Eftir tíðarætlanini verður sáttmáli undirskrivaður við byggifelag um hálvan juni, og tá verður eisini farið undir at byggja á Kambsdali.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF