Ongin broyting í fólkapensjónini fyribils

bannari
Ongin broyting í fólkapensjónini fyribils
Einki uppskot kemur í vár, og Annika Olsen, landsstýriskvinna, dugir ikki at siga, um broytingar koma á ólavsøku
Annika Olsen er landsstýriskvinna í almannamálum
 
25.02.2014 - 14:53

Almannamálaráðið er ongan veg komið við uppskotinum um, hvussu fólkapensjónistar skulu kosta landskassanum minni í framtíðini. Embætisfólk í ráðnum gjørdu í fjør eitt tilmæli um, hvussu til ber at lækka kostnaðin. 

Í tilmælinum er millum annað uppskotið um, at fólk, sum eru fíggjarliga væl fyri, eiga ikki at fáa grundupphæddina í fólkapensjónini. Eitt annað uppskot er at hækka pensjónsaldurin so líðani upp í 70 ár, og byrja við hálvum ári í 2018. Men tilmælini eru ikki liðugt viðgjørd politiskt, sigur Annika Olsen, landsstýriskvinna.

Einki uppskot í vár

Eingi lógaruppskot koma úr Almannamálaráðnum í vár. Og Annika Olsen dugir ikki at siga, um hon kemur við nøkrum lógarbroytingum um fólkapensjónistar á ólavsøku. Sambært løglistanum, sum løgmaður legði fyri løgtingið á ólavsøku í fjør, og sum er dagførdur í januar í ár, er arbeiðið, sum skal vera grundarlagið undir uppskotunum, og sum er partur av pensjónsnýskipanini, í løtuni til politiska viðgerð hjá samgonguflokkunum.  

Næsta ár er valár. Og tað er neyvan sannlíkt, at landsstýrið kemur við uppskotum, sum ikki eru so væl dámd hjá veljarunum, so tætt upp undir løgtingsval.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592