Egyptaland fingið nýggja stjórn

Fyribils forsetin, Adly Mansour, valdi Ibrahim Mahlab sum nýggjan forsætisráðharra, og hesin hevur nú mannað nýggju stjórnina.

el-Sissi í stjórnini

Ibrahim Mahlab hevur valt at seta nakrar av ráðharrunum úr fyrru stjórnini í nýggju stjórnina. Teirra millum er herovastin og verjumálaráðharrin, Abdel Fattah el-Sissi. el-Sissi stillar upp til forsetavalið, og roknað verður við, at hann fer at vinna valið.

Eins og í undanfarnu stjórnini, røkir el-Sisi eisini embætið sum verjumálaráðharri í nýggju stjórnini.

Niðurberja yvirgangi

Nýggi forsætisráðharrin segði á einum tíðindafundi sunnudagin, at stjórnin av øllum alvi fer at berja niður yvirgangin í Egyptalandi. - Vit fara í hvønn krók í landinum, um neyðugt, sigur Ibraham Mahlab, forsætisráðharri. Nýggja stjórnin í Egyptalandi varð tikin í eið í gjár, sunnudagin.

Kelda: Voice of America