Føroyskir svimjarar seta met í Danmark

Alvi Hjelm úr Ægir og Óli Mortensen úr Havnar Svimjifelagi settu í morgun nýggj føroysk juniormet í somu kapping, skrivar svimjing.com.

Fyrst svam Alvi innleiðandi 400 metra frísvimjing við tíðini 4:05.26.

Metið hjá Alva stóð ikki leingi, tí nakrar riðlar seinni svam Óli Mortensen sama tein upp á 4:02.25.

Tað var eisini Óli sum átti gamla føroyska juniormetið á 4:06.44. Tað varð sett á Reykjavík International 2013.