Lønin skilir partarnar í sattmálasamráðingum

<p>- Vit fara nú undir samráðingarnar, og vit ætla at halda fram, til semja er funnin, sigur Terje Sigurðsson, annar av semingsmonnunum, ið skal tryggja sjúkrarøktingarfrøðingum nýggjan sáttmála.</p>

<p>21. mars boðsendi Felagið Føroyskir Sjúkrarøktarfrøðingar semingsmonnum, tí mett varð ikki, at partarnir komu til ein nýggjan sáttmála uttan semingsfólk.</p>

<p>Terje Sigurðsson vil ikki siga so nógv enn. Kortini váttar hann, at tað eru serliga lønin og eftirlønin hjá føroyskum sjúkrarøktarfrøðingum, ið skilir partarnar.</p>

<p>Hvørgin parturin, hvørki Lønardeildin í Fíggjarmálaráðnum ella felagið hjá sjúkrarøktarfrøðingunum, hevur boðað frá arbeiðssteðgi, tað er verkfalli ella verkbanni.</p>