Elektron hevði 20 mió. kr. í halli

Elektron nærum 20 milliónir krónur í halli í fjør.

Tað vísir roknskapurin hjá felagnum, ið júst er almannakunngjørdur.
 
Hallið í vanliga rakstrinum var umleið tríggjar milliónir, og kostnaðarføringar, sum felagið nevnir tað, gjørdu, at hallið var nærum 20 milliónir.

Við kostnaðarføringar meinar felagið við avskrivað goodwill, útreiðslur til størri verkætlanir og uppsagnarlønir.

Átta fólk uppsøgd

Átta fólk vóru uppsøgd í Elektron í 2013, og sølan hjá felagnum minkaði 10 milliónír. 

Landið og peningastovnarnir eiga Elektron, men seinastu árini hava peningastovnarnir flutt meginpartin av sínum kt-virksemi til útlendskar fyritøkur.

Felagið boðar frá, at fyribils-tjórin í Elektron síðani í februar mánað, Kjartan Thomassen, nú er settur í fast starv sum stjóri í Elektron.