Kanning: 61 prosent fyri samkyndum hjúnarlagi

Meira enn 61 prosent av føroyingum vilja, at samkynd kunnu ganga saman í hjúnalag.

Tað vísir ein kanning, sum Gallup hevur gjørt fyri Framsókn.

Í kanningini varð spurt: "Tekur tú undir við, at samkynd kunnu giftast borgarligt?". Meira enn 600 føroyingar vórðu spurdir.

61 prosent søgdu seg vera fyri, at samkynd kundu ganga saman í hjúnalag, 32 prosent søgdu, at tey eru ímóti, og sjey prosent høvdu ikki tikið støðu til spurningin.