Havstein Klein prestur í Sandoyar prestagjaldi

Á felags kirkjuráðsfundi heima á Sandi leygardagin  innstillaðu kirkjuráðini Havstein Klein sum komandi sóknarprest.

Landsstýrismaðurin í kirkjumálum, Bjørn Kalsø, útnevnir og setir sóknarprestin í embætið.

Havstein avloysir Jákup Reinert Hansen sum sóknarprestur hjá kirkjusóknum í Sandoynni og Skúvoynni.  Talan er um 6 kirkjusóknir, og einki annað prestagjald við einum sóknarpresti hevur so nógvar kirkjusóknir, skrivar folkakirkjan.fo.

Innsettur í desember

Í løtuni er Havstein prestur í Fuglafjarðar prestagjaldi, nú Anne Mette Greve Klemensen er í barnsburðarfarloyvi. Ætlanin er, at Havstein Klein verður innsettur við gudstænastu í Sands kirkju 2. sunnudag í advent, t.e. 7. desember 2014.

Í tiðarskeiðnum frá 15. september til 30. november verður Henning Bøgesvang prestur í Sandoyar prestagjaldi. Henning hevur tvær ferðir áður verið prestur har.