U-19 flogbóltslandslið í norðurlendskari kapping

Frá í dag og til og við hósdagin luttaka tvey flogbóltslandslið í altjóða flogbóltskappingini NEVZA U19 fyri menn og kvinnur.

Kappast verður um norðurevropeiska meistaraheitið.

Kappingin er í Ikast-høllini í Danmark, har kappast verður í 3 dagar. 

Føroyar skulu spæla ímóti Danmark, Íslandi, Onglandi, Noregi og Svøríki. Í fjør vann Danmark kappingina hjá bæði hjá kvinnumog monnum.

Skráin - kvinnur:

14. oktober klokkan 08.00: Føroyar - Ísland

14. oktober klokkan 17.00: Føroyar - Danmark

Skráin - menn:

14. oktober klokkan 10.00: Føroyar - Danmark

14. oktober klokkan 14:30: Føroyar - Svøríki

Úrslitini frá dystunum kunnu síggjast á fbf.fo og á Facebook undir NEVZA U19 2014, har møguleiki eisini verður at streama dystirnar beinleiðis.