Eliesar skal venja EB/Streym

Tað boðar felagið frá á heimasíðuni.

Hóast Eliesar Olsen bert er 25 ára gamal, hevur hann drúgvar royndir sum venjari. Eliesar Olsen hevur síðstu fýra árini verið venjari hjá besta liðnum hjá Skála.

Eliesar Olsen avloysir Rúna Nolsøe, sum farna kappingarár var venjari hjá EB/Streymi.

Leif Niclasen longt sáttmálan

EB/Streymur boðar eisini frá, at ein av profilunum í hópinum, Leif Niclasen, heldur fram í felagnum. Leif hevur skrivað undir sáttmála fyri 2015.

Felagið hevur annars higartil mist tveir góðar leikarar. Arnbjørn Hansen er farin til HB, og Hans Pauli Samuelsen skal komandi ár spæla fyri B36.