Fleiri nýggj partafeløg stovnað seinasta árið

 Á hvørjum ári verða millum 100 og 200 nýggj smáparta- og partafeløg stovnað í Føroyum.  Hetta skrivar vinnuvitan.fo

Talið av nýstovnaðum feløgum var hægst tá búskaparliga gongdin var best í 2005 til 2008, fyri síðan at minka tey árini kreppan rakti. Hetta seinasta árið eru heldur fleiri feløg stovnað enn undanfarin ár.  Ein greining, sum Vinnuvitan.biz hevur gjørt vísir, at hesi seinastu tíggju árini frá 2004 til 2014 hava íalt 5.000 feløg verið virkin í føroyskum vinnulívi.

Av hesum feløgum er bert helmingurin virkin í dag, meðan hin helmingurin av feløgunum eru strikað úr felagsskránni. Tann mest vanliga orsøkin til at feløg verða strikað er at feløg verða tikin av undir trotabúarviðgerð og síðan strikað, skrivar vinnuvitan.fo.