300 mió. kr. meiri í lønum í ár

Føroyingar hava fingið næstan 300 milliónir krónur meira í løn í ár enn í fjør. 

Higartil í ár eru goldnar seks milliardir og 231 milliónir krónur í lønum í Føroyum, fimm prosent meira enn í fjør. 

Í krónum hava privatu tænastuvinnurnar størstu framgongdina, skrivar Hagstovan á sínari heimasíðu. 

12 prosent vøkstur í byggivinnuni

Men størsta framgongdin lutfalsliga er í byggivinnuni. Hon er góð 12 prosent. 

Í fiskivinnuni og alivinnuni er framgongdin um seks prosent og hjá tí almenna er framgongdin góð tvey prosent. Verður hugt at gongdini síðan 2004 sæst, at framgongd er í øllum høvuðsvinnugreinum, og at fíggjarkreppan á ymsan hátt rakti vinnugreinarnar.

Meira løn gevur meira skatt, inntøkumetingar geva landskassanum góð fimm prosent meira í skatti í ár enn fíggjarlógin sigur.