Hava góðkent valevnislistan hjá IA

Ikki sørt av dramatikki var um valevnislistarnar til grønlendska landstingsvalið, tá ivi varð sáddur, um flokkurin Inuit Ataqatigit hevur latið inn góðkendan valevnislista. Listin varð latin inn ásetta tíð, men trupulleikin var, at hann var ikki undirskrivaður.

Men nú er greitt, at valnevndin nú hevur góðkent listan, skrivar grønlendska kringvaprið, knr.gl.

IA sigur, at flokkurin fekk skeiva vegleiðing frá Sermersoq Kommunu, og at tað er orsøkin til mistakið. Flokkurin læt listan inn á middegi fríggjadagin uttan undirskrift, tí tey høvdu fingið at vita frá Semersoq Kommunu, at tað var ikki neyðugt við undirskrift. 

Kommunan, sum er tann næststørsta í Grønlandi, hevur ásannað mistakið, og heitti á valnevndina um at góðkenna valevnislistan hjá IA.