Kanna møguleikar fyri aling á Sandsvág

Marina Harvest Føroyar kannar í løtuni møguleikarnar at ala laks á Sandsvág. Fyribils verður kortini eingin fiskur í aliringunum

Marine Harvest kannar í løtuni møguleikarnar at ala laks á Sandsvág. Ein ringur er lagdur út, og skal liggja har í vetur, fyri at fáa greiðu á, um veðurlagið á Sandsvág er hóskandi til aling

Mynd: Tilvildarlig savnsmynd

Sigmar Bláberg

Bjarni Mohr

18.11.2014 - 11:05

Marine Harvest Føroyar hevur lagt ein aliring út. Fyribils verður eingin fiskur koyrdir í aliringin, tí veturin skal vísa, um til bera at ala í økinum ella ikki, sigur stjórin í Marine Harvest Føroyar, Hans Jákup Mikkelsen.

Tað er nakað síðani at aliringurin kom til Sands, og síðani er hann gjørdur klárur, og nú er hann lagdur út. Tað er harðført á Sandsvág, tí vestanvindurin kann vera tráður. Tí verður eingin fiskur koyrdur í aliringin, fyrr enn greiða er fingin á, um ringurin heldur til harðbalna veðurlagið.

Ringurin, sum er lagdur út á Sandsvág, er 120 metrar í ummál og 38 metrar í tvørmát. Heldur hann í vetur, so verður fiskur settur út, sigur Hans Jákup Mikkelsen, stjóri í Marine Harvest Føroyar.