Besti veðragjólingurin er úr Skopun

Í gjárkvøldið vóru bestu veðrarnir kunngjørdir á árligu landsseyðsýningini á Búnaðarstovuni í Kollafirði.

Virðislønir vóru latnar til vakrastu veðragjólingar, veturgomlu veðrarnar og eldru veðrarnar.

Úrslitini vóru hesi:

Veðragjólingar:
1. Virðisløn Jóhan Petur Kjærbo, Høvdarhagi  – Heimaripartur, Skopun
2. Virðisløn Jústines Justinussen, Hegnið, Skáli
3. Virðisløn Júst Rubeksen, Húsahagi, Tórshavn
 
Veturgamlir veðrar:
1. Virðisløn Jústines Justinussen, Hegnið, Skáli
2. Virðisløn Antines Iversen, Frammihagi, Kvívík
3. Virðisløn Tummas í Niðristovu, yngri, Heygahagi, Innarahelvt
 
Eldri veðrar:
1. Virðisløn Thorvald Lútsen, Syðradalshagi, Sunnaripartur
2. Virðisløn Tórálvur Danielsen, Hjallahagi, Glyvrar
3. Virðisløn Óli í Hjøllum, Porkeri

Á hvørjum heysti eru seyðasýningar úti um landið, har sýnarar døma seyðin og velja teir vakrastu seyðirnar, sum síðani verða sýnaðir av útvaldum sýnsmonnum frá Búnaðarstovuni. Teir ferðast um landið og sýna hesar seyðir. Somuleiðis taka teir myndir og videofilm av seyðunum, og aftaná savnast teir á Búnaðarstovuni at avgera, hvørjir seyðir eru ávikavist nr. 1, 2 og 3 í hvørjum av bólkunum: veðragjólingar, veturgamlir veðrar og eldri veðrar.

Videoupptøkur av seyðinum síggjast her: Landsseyðasýningin 2014