Danska vinnan: Makrelkvotan er ov lítil

Makrelkvotan fyri 2015 er alt ov lítil. Tað sigur formaðurin fyri donsku uppsjóvarvinnuna, Esben Sverdrup-Jensen, eftir at Føroyar, Noreg og Es samdust um at áseta kvotuna fyri næsta ár, og býta meginpartin ímillum sín.

Eftir avtaluni fáa Føroyar 133.000 tons, Noreg 237.000 tons og ES 520.000 tons. 

Eftir eru 164.000 tons, sum skulu latast øðrum londum, serliga Íslandi, Grønlandi og Ruslandi.

Stovnurin mettur ov lítil

Esben Sverdrup-Jensen sigur, at tað er nógvur makrelur í Norðuratlantshavinum, og tí er tað, sum ICES mælir til at fiska, ikki í samsvari við stóru nøgdina av makreli.

- Vit halda at makrelstovnurin er mettur helvtina ov lítið, og tí er kvotan fyri næsta ár alt ov lítil, sigur hann.

Hann sigur seg síggja vandan í, at makrelstovnurin bara fer at vaksa meir, og tað hevur so við sær, at minni verður at fáa av sild. Og tað gevur onga meining, sigur formaðurin hjá donsku uppsjóvarskipunum.