797 fólk fáa pengar úr ALS

Nú árið 2015 er byrjað, eru tey, sum fáa arbeiðsloysisstuðul frá ALS, farið niður um 800.

Sambært ALS eru í dag 797 fólk, sum fáa pengar frá ALS, tí tey eru arbeiðsleys.

504 kvinnur og 293 menn eru arbeiðsleys. 

Talið hjá ALS sigur tó ikki alt um arbeiðsloysið í Føroyum, tí nøkur arbeiðsleys eru ikki í ALS. 

Sambært Hagstovuni vóru 846 arbeiðsleys beint fyri jól. Tá eru tey, sum fáa forsorgarhjálp, tí tey eru arbeiðsleys, tald við.

Arbeiðsloysið í Føroyum er beint oman fyri trý prosent.