Bara fyrispurningar á ársins fyrsta tingfundi

Fyrsti løgtingsfundurin í ár er í dag klokkan 11.00.

Skráin er ikki drúgv, fýra skrivligir fyrispurningar frá tingfólkum skulu svarast.

Karsten Hansen, landsstýrismaður í heilsumálum, skal svara trimum spurningum, og Jørgen Niclasen, landsstýrismaður í fíggjarmálum, einum.

Børn og skattur

Karsten Hansen skal svara fyrispurningum um rættindi hjá børnum, tá foreldrini eru skild, um serlæknar og um Psykiatriska depilin.

Jørgen Niclasen er spurdur um lønir, skatt, gjøld og frádráttir í ymsum lønarbólkum.  

Nú tingfundur er, eru eisini nakrir nevndarfundir í dag.

Millum annað fer Trivnaðarnevndin at orða spurningar til Karsten Hansen, landsstýrismann, sum nevndin vil hava í samráð um mammografi og onnur viðurskifti í heilsuverkinum.