Bacalao hevur selt ísvirkið

<p>Sp/F Barðið, sum rekur landingarmiðstøðina á Vestaru bryggju, hevur gjørt avtalu við p/f Langasker, sum er eitt dóttirfelag hjá P/F Bacalao, um at keypa ísvirkið á ískajini.</p>

<p>Ísvirkið stendur á øki, sum Tórshavnar havn eigur, og Tórshavnar havn mælti til at gera nýggjan 15 ára leigusáttmála við Barðið. Málið varð einmælt samtykt í býráðnum hóskvøldið.</p>

<p>Økið verður framhaldandi brúkt sum grundøki til bygning, ið framleiðir ís til niðurkøling av fiski og annað, og hetta í samsvar við byggisamtyktina, skrivar <a href="http://www.torshavn.fo/Default.aspx?pageid=37&amp;NewsItemID=5357" target="_blank">Tórshavnar Kommuna</a>.</p>

<p>Poli Joensen, stjóri á Barðinum sigur, at ongar broytingar verða gjørdar, annað enn, at tað nú er Barðið sum veitir tænastuna víðari at geva skipunum ís.</p>