Maskinmeistarar á farmaskipum gjørt sáttmála

Maskinmeistarar á farmaskipum fáa 1,98 prosent meira í løn 1.mars í ár og 2,25 prosent 1.mars næsta ár. 

Reiðarafelagið fyri farmaskip og Maskinmeistarafelagið hava gjørt nýggjan tvey ára sáttmála. 

Lønarhækkingin er tann sama, sum onnur fakfeløg á privata arbeiðsmarknaðinum hava fingið. 

Partarnir skrivaðu eisini undir avtalu um fráboðanarfreist í sambandi við verkfall.

Reiðarafelagið fyri farmaskip er nógv vaksið seinastu árini. Nú eru 24 limir í felagnum, og teir eiga 74 skip.