Norðmenn ávara ímóti evni at týna laksalús

Í Noreg verður ávarað ímóti einum lúsaevni, sum verður nýtt til at týna lúsina á alilaksi.

Evnið hevur við sær, at skelin á eitt nú hummara og øðrum skeljadjórum, ikki fær rætta litin, og í ávísum førum kann tað hava við sær, at krabbadýr í økinum doyggja.

Talan er um evnið hydrogenperoksid.

30.000 tons

Ein fyribils uppgerð vísir, at norska alivinnan nýtti 30.000 tons av evninum í fjør, og tað var fýra ferðir meir enn í 2013.

Evnið verður nýtt til at bleikja hár, og av tí at laksalúsin stendur seg ímóti øðrum evnum, verður hydrogenperoksid nú í alsamt størri mun nýtt til at basa laksalús.

Men ávirkanin er, at rækjur, hummari og krabbar doyggja, tá teir skifta skel.

Norski granskarin, Renee Katrin Bechmann, sigur, at tað er loyvt at nýta evnið, men tá nøgdin veksur so skjótt, so má ansast væl eftir, og neyðugt er at verja krabbadýrini, sum halda til í somu økjunum, sum aling er, sigur hon.