Allir flokkar viðgera fiskivinnunýskipan

Nú klokkan níggju hittast allir teir politisku flokkarnir á fundi í Fiskimálaráðnum at umrøða nýggju fiskivinnuskipanina, sum ætlanin er at seta í verk.

Andstøðuflokkarnir hava biðið um fundin, tí flokkarnir halda tað vera best at umrøða ætlanina í felag.

Andstøðuflokkarnir hava frammanundan hvør sær verið á fundi í Fiskimálaráðnum, men hetta er fyrsti fundurin, har allir flokkar eru saman.

Jacob Vestergaard, landsstýrismaður í fiskivinnumálum, hevur biðið umsitingina um at gera eitt uppskot til eina nýggja fiskivinnuskipan.