Eftirlýsir greining av Pisa-úrslitum

- Tað er beinleiðis óseriøst og skaðiligt fyri fólkaskúlan at skipa fyri eini Pisa-kanning fyri og aðrari eftir, uttan at ein djúptøkin greining verður gjørd av úrslitinum.

Tað sigur Herálvur Jacobsen, formaður í Føroya Lærarafelag, við Skúlablaðið. 

Hann vísir á, at hóast fleiri PISA-kanningar hava verið gjørdar, er bara ein verulig frágreiðing latin myndugleikunum, og tað var eftir fyrstu kanningina. 

Frágreiðingar tódnaðar

Síðani eru frágreiðingarnar tódnaðar niður í nakrar fáar síður, og einki er sett í verk, sigur Herálvur Jacobsen. 

- Nú er so langt liðið, síðani seinasta úrslitið kom, og eg vænti ikki, at nakað fer at vera gjørt við tað heldur, sigur Herálvur Jacobsen.

Næsta PISA-kanningin verður frá 16. til 20. mars. Tá fara næmingar í 9. flokkunum kring landið fyri fjótðu ferð at til PISA-kanning.