698 næmingar í 9. flokki til PISA-kanning í dag

Í PISA-kanningini verða trý faklig høvuðsøki kannað. Hesi eru lesing, støddfrøði og náttúrulærugreinir.

Í ár verður høvuðsdenturin lagdur á náttúrulærugreinir. 

Vánaligt úrslit

Seinasta PISA-úrslitið, sum var almannakunngjørt í desember 2013, vísti, at Føroyar eru framvegis niðarlaga á PISA-stiganum.

PISA-kanningin heldur fram alla vikuna, og byrja verður klokkan átta á morgni.

Tó ikki fríggjadagin 20. mars, tá næmingarnir sleppa at uppliva sólarmyrkingina. Tá byrjar PISA-kanningin klokkan 12.00.