Faroe Petroleum ætlar sær virðirsøking í ár

Felagið boðar frá, at byrjað er at bora Shango leitibrunnin í norska partinum av Norðsjónum. Brunnurin er á 120 metra dýpi.

Faroe Petroleum eigur 20 prosent av loyvinum, Total er fyristøðufelag og eigur 40 prosent. 

Fleiri boringar
Graham Stewart, forstjóri í Faroe Petroleum, sigur seg fegnast um, at boriverkætlanin í 2015 er byrjað við tí týdningarmikla Shango brunninum. 

Í vár verður væntandi byrjað at bora tveir uppfylgingarbrunnar í stóra Pil fundinum, har eigur Faroe Petroleum fjórðingin. 

Brunnarnir verða boraðir á Blink og Boomerang leitimiðunum. Síðani verður Bister leitimiðið borað.

Truplar marknaðarumstøður
Hóast truplar marknaðarumstøður, hevur Faroe Petrolum sett sær sum mál at skapa virðisøking í 2015 við fýra brunnum.

Øll boringin er longu fíggjað við tøkum peningi og peningarensli frá framleiðslu, sigur Graham Stewart, forstjóri í Faroe Petroleum.