Grønland fingið whistleblower-skipan

Endamálið er at forða fyri vina- og kenningapolitikki og at skapa størri gjøgnumskygni í fyrisitingini, skrivar grønlendska kringvarpið, KNR.

Skipanin er soleiðis, at starvsfólk við eini serligari KT-skipan kunnu venda sær ónevnd til Búskapar- og Starvsfólkastýrið og boða frá, um tey hava illgruna óreglusemi í fyrisitingini.

Bert galdandi fyri almennu fyrisitingina

Er hald í kæruni verður málið latið einum aðalstjóra í fyrisitingini, sum skal seta eina nærri kanning í verk.

Skipanin er bara galdandi fyri almennu fyrisitingina. Hon fevnir ikki um privatar fyritøkur og heldur ikki um almenn partafeløg.