Útlendskir bussar í neyð í Vágsbotni

Tórshavnar Kommuna ger stóra trappu á økinum, har gamla matstovan, Perlan, stóð, og tí eg ferðslan nakað tarnað. 

Útlendsku bussarnir komu koyrandi oman eftir Tórsgøtu, og kláraðu ikki svingið við Hotel Tórshavn niðan móti Vaglinum, tí vegurin er smalkaður nakað. 

Christian Dahl, vaktleiðari á politistøðini í Havn, sigur, at annar bussurin slapp, við hjálp frá løgregluni, um svingið í Vágsbotni og kom niðan á Vaglið. Men hin bussurin mátti venda á Skálatrøð og koyra niðaneftir Tórsgøtu, - sama veg sum hann varð komin.

Ferðslan verður tarnað til á ólavsøku, tá trappan verður liðug.