Bílig olja munar í innflutninginum

Hóast vit innfluttu nakað meira av olju og bensini í fyrsta ársfjórðingi í ár, kostaði brennievnið 63 milliónir krónur minni enn í fjør. So stóran mun ger tann lági oljuprísurin.

Hagstovan hevur kunngjørt, hvussu nógv Føroyar innfluttu í fyrsta ársfjórðingi og samanborið við sama tíðarskeið í fjør.

Í ár er innflutt fyri 41 mió. kr. minni enn í fjør. Munurin er trý prosent.

Kortini er vøkstur í nøkrum vørubólkum, fyrst og fremst er innflutt fyri ein triðing meira av byggitilfari.

Fleiri og fleiri bilar verða eisini keyptir, men vit innflyta á leið tað sama at eta og drekka.