Adventistaskúlin til sølu

Nú ber til at keypa bæði ein skúla og eina kirkju í Havn.

Adventistaskúlin er til sølu, og sambært lýsingini er møguleiki fyri at lata Adventistakirkjuna vera við í keypinum.

Skúlin er í tveimum bygningunum, sum eru 435 og góðar 260 fermetrar og bygdir í 1966 og 2007.

Grundøkið er 2.809 fermetrar.

Kirkjan er bygd í 1978. Hon er góðar 500 fermetrar, og grundstykkið er 1.088 fermetrar.

Hálvan juli í fjør varð kunngjørt, at Frískúlin við Hoyvíkstjørn, Adventistaskúlin, læt aftur, tí ov fáir næmingar vóru skúlaárið 2014-2015, sum byrjaði 1.august.