Bob, Sam og Brigitte koma til Føroya um tvær vikur

Sea Shepherd gjørdi skjótt vart við seg eftir grindadrápið í Miðvági í morgun.

Klokkan hálvgum tólv kom tíðindaskriv við neyvum upplýsingum um grindina í morgun, frá tí, hon varð funnin, til hon doyði.

Sea Shepherd mótmælir, sum vera man, grindadrápinum og harmast um tað.

Felagsskapurin kunnger í tíðindaskrivinun, at hann kemur til Føroya um tvær vikur við skipunum Bob Barker, Sam Simon og Brigitte Bardot. Harafturat vera fólk á landi. 

Hetta verður sætta átakið og samstundis tað størsta hjá Sea Shepherd móti grindadrápi, sum sambært felagsskapinum ikki er ein tradisjón men blóðbað.

Í ár eitur átakið Sleppið grindini.