Royna fyrst at koma í hálvfinaluna

Føroysku flogbóltsmenninir hava tveir dagar at fyrireika seg í undan fyrsta dystinum.

Fyrsti dysturin verður sunnudagin móti Isle of Man.

Føroyska landsliðið hevur fingið allarbestu fyrireiking til Oyggjaleikirnar, tí teir hava júst spælt EM-undankapping í Luksemburg.

Føroyar taptu allar dystirnar har, men venjarin, Bárður Bendix Mikkelsen, heldur, at teir dystirnir hava givið liðnum nógv.

- Í Luksemburg møttu vit væl sterkari mótstøðu enn vit fara at møta her, og har gekk støðugt framá.

- Vit blivu betri fyri hvønn dyst, og spældu til tíðir væl ímóti sterkari mótstøðu.

- Vit vilja fyrst og fremst tryggja okkum pláss í hálvfinaluni, og so fáa vit at síggja, sigur Bárður Bendix Mikkelsen.

Føroyar eru í bólki við Saaremaa, sum verður mett sum sterkasta liðið í kappingini. Tvey lið fara víðari úr bólkaspælinum.

Bólkur A: 

Saaremaa

Føroyar

Gotland

Isle of Man

Jersey

Bólkur B:

Áland

Bermuda

Guernsey

Shetland

Dystirnir hjá Føroyum í bólkaspælinum:

Hálvfinalurnar eru hósdagin, og finalan er fríggjadagin