Viðgera nú spurningin um útvísing

Politiið í Føroyum hevur sent Útlendingastýrinum málini til støðutakan, hóast dómarnir hjá Føroya rætti eru skotnir inn fyri Eystara landsrætt.

Tey bæði Sea Shepherd fólkini, sum vórðu tikin í Kalsoyarfirði tann 20. juli, tá grindaboð vóru har, vita ikki enn, um tey verða ákærd.

SÍ EISINI Sea Shepherd fólkini nokta seg sek

Politiið er ikki liðugt at kanna tað málið, og støða er tí ikki tikin til, um tey bæði fólkini verða ákærd fyri at bróta grindalógina og politiviðtøkuna.

Tey eru fyribils skuldsett fyri at royna at órógva grindaraksturin. Kvinnan, sum er skuldsett, er tó longu avhoyrd í Føroya rætti, tí hon skuldi av landinum á ólavsøku.