Fleiri útisetar velja hesaferð

Tað hevur eydnast at fáa fleiri, ið lesa uttanlands at skráseta seg til komandi løgtingsval samanborið við valið í 2011.

684 hava skrásett seg at velja 1.september í ár. Fyri fýra árum síðani vóru tey 424.

684 er 41 prosent av øllum teimum, sum lesa uttanfyri Føroyar.

Tórstein Jóhannes Fríðfinsson, formaður í MFS - Meginfelag føroyska studenta, heldur, at valluttøkan kann blíva munandi størri millum útisetar.

Hann heldur, at ein møguleiki er, at fólk, ið fara uttanlands at lesa, varðveita rættin til at fara á val.

Ein annar møguleiki er, at tað verður lættari at skráseta seg. Formaðurin í MFS mælir til, at lesandi skulu sleppa at skráseta seg til val í Føroyum, samstundis sum tey søkja um ferðastuðul.