Vatnið dálkað í høvuðsstaðarøkinum.

Seinastu vatnkanningar hjá Heilsufrøðiligu Starvsstovuni staðfesta bakteriur í drekkivatninum í Eysturbýnum í Havn og í Hoyvík, men nú eru eisini funnar bakteriur í Kollafirði, Kirkjubø og Nólsoy. 

Tað er ikki heilt óvanligt við slíkari dálking, men hon er komin tíðliga í ár, møguliga orsakað av nógvum áarføri. Fyribrigdið er kent um alt landið, skrivar Tórshavnar kommuna á heimasíðuni.
  
Fyribils verður mælt til at kóka vatnið, áðrenn drukkið verður. Hetta til onnur boð verða givin.