Aksel V. Johannesen sett met í atkvøðum

Aksel V. Johannesen er toppskorari á Løgtingsvalinum 2015.

Hann hevur somuleiðis sett nýtt met í persónligum atkvøðum.

Aksel V. Johannesen fekk tilsamans 2.405 atkvøður.

Hann meira enn tvífaldar sítt persónliga atkvøðutal frá Løgtingsvalinum í 2011, tá fekk hann 1.204 atkvøður.

Sonja Jógvansdóttir, sum stillaði upp fyri fyrstu ferð, er nummar tvey á Javnaðarlistanum. Hon fekk 1.020 atkvøður.

Løgmaður stóra afturgongd

Kaj Leo Holm Johannesen átti gamla metið. Hann fekk 1979 atkvøður í 2011. 

Hesaferð fekk Kaj Leo Holm Johannesen 603 atkvøður. Tað er ein afturgongd á 1.376 persónligar atkvøður.

Toppskorari á Sambandslistanum bleiv Edmund Joensen við 636 atkvøðum.