Annika rýmir úr Fólkaflokkinum

bannari
09.09.2015 - 17:41
AktueltPolitikkur
Annika rýmir úr Fólkaflokkinum
Annika Olsen, ið gjørdist nummar tvey á fólkaflokslistanum til løgtingsvalið, tekur ikki longur undir við politikkinum hjá flokkinum
 

Ein politisk bumba brast í dag, tá Annika Olsen, fyrrverandi landsstýriskvinna og nummar tvey á fólkaflokslistanum til løgtingsvalið við 961 atkvøðum, boðaði fjølmiðlunum frá, at hon tekur seg úr Fólkaflokkinum.

Annika Olsen skrivar soleiðis í tíðindaskrivi til fjølmiðlarnar:

"Eg taki meg úr Fólkaflokkinum

Í dag hevur undirritaða boðað leiðsluni í Fólkaflokkinum frá, at eg ikki longur eri limur í Fólkaflokkinum.

Orsøkin til hesa avgerð er, at flokkurin og eg ikki draga somu politisku línu, og eg kenni meg ikki aftur í politisku dagsskránni, sum leiðslan stendur fyri.

Orsøkin til, at eg á fyrsta sinni stillaði upp fyri Fólkaflokkin vóru grundsjónarmiðini í stevnuskrá floksins, sum eg av heilum hjarta havi arbeitt og virkað eftir hesi seinastu áttu árini.

Eg harmist um, at hendan stevna er fánað burtur í førda politikkinum hjá flokkinum, og tí er best, at eg traðki aftur, heldur enn at halda áfram at skula vera í andsøgn við tann politikk, sum leiðsla floksins stendur fyri.

Hóast eg persónliga fekk eitt sera gott val, kann úrslitið av løgtingsvalinum ikki tulkast øðrvísi enn at tey, sum stuðla leiðslu floksins og førda politikkin, vunnu valið, meðan liberali vongurin fall.

Eg harmist um at skula siga farvæl við ein flokk, eg havi verið sera góð við, og sum eg stolt havi umboðað. Eg takki somuleiðis so hjartaliga øllum tykkum, sum hava stuðlað mær í Fólkaflokkinum øll hesi árini."

Er kopiera
Nýggjastu sendingar í ÚV
Hósdag 26. mai
RagnarRokk 26.mai 2022
139459
Hósdag 26. mai
RagnarRokk: Jeppe Nissen um Copenhell
139458
Hósdag 26. mai
Skriftin á vegginum
140070
Nýggjastu sendingar í SV
Hósdag 26. mai
Guðstænasta
140163
Hósdag 26. mai
Sært tú meg 3:3
140155
Hósdag 26. mai
Andaktin
140162
Mánadag 23. mai
3-2
140037
Sunnudag 22. mai
Andaktin
139968