Niðurlagdur í 2013 - nú skal hann endurstovnast

Landsbankin kemur aftur. Tað hevur nýggja samgongan sett sær fyri. Undanfarna samgonga avgjørdi at leggja Landsbankan, sum kom í 1988, niður tann 1. apríl í 2013.

Pengar skulu aftur í Búskapargrunnin, sum varð stovnaður í 2011. Sambært samgonguskjalinum skal ein komandi inntøkuvøkstur landsins fyri ein part setast í Búskapargrunnin, tá ið hallið í fíggjarlógini er vent til avlop.

Sett verða í grunnin 20 prosent av árliga avlopinum upp til 200 milliónir krónur og 50 prosent av tí, sum er omanfyri 200 milliónir krónur.