Vænta verri úrslit í Klaksvík næsta ár

Raksturin hjá Klaksvíkar kommuna fer at geva slakar 5,2 mió. kr. minni næsta ár enn í ár.

Býráðið í Klaksvík fer í kvøld at viðgera fyrsta uppskotið um fíggjarætlan fyri 2016.

Sambært uppskotinum verður úrslitið slakar 42,9 milliónir næsta ár, slakar 5,2 milliónir minni enn í ár. 

Íløgur og avdráttir eru ikki við í uppskotinum, sum umsitingin hjá kommununi hevur gjørt og Fíggjarnevndin hevur lagt fyri býráðið. 

Sambært uppskotinum skal Klaksvíkar kommuna rinda sjey milliónir krónur í rentum í 2016.

Roknað er við hálvari aðrari millión meira í inntøkum og, at raksturin fer at kosta 6,7 milliónir meira enn í ár.