Aleqa vil hava størri samstarv í fólkatinginum

Aleqa vil hava størri samstarv í fólkatinginum
Ætlanin er kortini ikki at endurstovna Norðuratlantsbólkin
 
22.09.2015 - 07:55

Aleqa Hammond, fólkatingskvinna, roynir nú at fáa grønlendsku og føroysku fólkatingslimirnar at arbeiða saman í fólkatinginum, so londini í Útnorðri draga eina línu í málum, sum hava týdning fyri tey.

Sambært tíðindaskrivi fra flokkinum hjá Alequ Hammond, Siumut, sendi hon í gjár hinum trimum fólkatingslimunum fundarboð.

Sambært blaðnum Sermitsiaq ætlar Aleqa Hammond ikki at endurstovna Norðuratlantsbólkin í fólkatinginum.

Men hon ætlar at fáa í lag størri samstarv millum føroyingar og grønlendingar í fólkatinginum. Arbeiðið hjá teimum skal vera betur samskipað, heldur hon. 

Aleqa Hammond sigur, at nú er vorðið greitt, at Magni Arge og Sjúrður Skaale eru føroysku fólkatingsmenninir, og tí gevur hon fundarboð nú.

Bjóðar skrivstovuna fram

Aleqa Hammond bjóðar sær til at lata skrivstovu sína á Christiansborg umsita samstarvið. 

Siumut sigur, at hin grønlendski flokkurin í fólkatinginum, IA, og Javnaðarflokkurin og Tjóðveldi vilja fegin tosa um samstarv millum tey fýra fólkatingsfólkini úr Útnorðri.

Aleqa Hammond leggur dent á, at ætlan hennara er ikki at stovna ein bólk, men heldur fáa í lag samskifti og sterkt samstarv millum fýra sjálvstøðugar fólkatingslimir.   

Fólkatingssetan 2015 byrjar um tvær vikur. 

 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565