Danskir serlæknar í krabbameini á Landssjúkrahúsið

Landssjúkrahúsið hevur fingið avtalu í lag við Ríkissjúkrahúsið, so serlæknar í krabbameini frá næsta mánaði fara at arbeiða í Føroyum tveir dagar um vikuna. 

Tað verða fýra serlæknar, sum fara at skiftast um at arbeiða í Føroyum hesar báðar dagarnar um vikuna.

Tað sigur Johnny í Grótinum, stjóri á Landssjúkrahúsinum, við kvinna.fo.

Talið niður í helvt

- Avtalan fer at gera, at vit kunnu minka talið av krabbasjúklingum, sum verða sendir til Danmarkar í viðgerð, eina helvt, sigur hann.

Við avtaluni verður eisini møguligt at byggja upp førleikar í krabbameinsserfrøði millum føroysku starvsfólkini, heldur sjúkrahússtjórin. 

Johnny í Grótinum sigur við kvinna.fo, at avtalan við donsku serlæknarnar fer at virka nú í oktober, og at landssjúkrahúsið miðar eftir at fáa bíðitíðina, sum nú er, at vera burtur um ársskiftið.