Landsstýrismaðurin fingið álit um filmshús

Klippfisk hevur handað Poul Michelsen, landsstýrismanni í vinnumálum álit um føroyskt filmshús. Álitið kallast "Filmshúsið - Føroyskur filmur á einum vegamóti."

Klippfisk mælir til, at Filmshúsið verður savningarstað fyri filmsumhvørvið, og Filmsgrunnurin skal eisini umsitast har.

Føroyska filmshúsið skal kunna um føroyskan film uttanlands og menna samstarv og samband við útlendskar framleiðarar.

Landsstýrismaðurin tekur væl ímóti álitinum

Harumframt skal Filmshúsið hava ábyrgdina av at savna allar føroyskar filmar í eitt filmsavn, so teir verða tøkir og kunnu koma øllum føroyingum til góðar.

- Álitið um Filmshúsið er eitt áhugavert og ítøkiligt boð uppá, hvussu vit kunnu skapa betri karmar fyri filmsvinnu, sigur Poul Michelsen, landsstýrismaður.

- Landsstýrið arbeiðir við at gera politikk fyri skapandi vinnur, herundir film, og álitið verður partur av hesum arbeiði, landsstýrismaðurin.